Saanen a nai-extend ti trade fair idiay Km. 5, Parking Area ti Public Market iti Munisipyo ti La Trinidad kalpasan a saan a pinatgan ti munisipyo ti inpila dagitoy a resolusyon a mangkidkiddaw iti panag-extendda.
Opisyal a nagleppas ti Strawberry Trade Fair idi May 10 iti agdama a tawen no sadino nagpaut daytoy iti dua a bulan.
Sigun iti pannakiuman ti Bombo Radyo kenni Nica Madino, organizer ti nasao a trade fair, naannayas ti pannakaipatungpal dagiti amin nga aktibidad iti baet dagiti karit a sinangoda kas iti budget, pannakaconcise dagiti nagduduma nga aktibidad ken dadduma pay.
Agarup 10 million a budget ken sponsorship ti dadduma nga inar-aramat dagitoy.
Imbinglay daytoy a nasayaat ti sales dagitoy iti un-unna ngem in-inot a bimmbaba daytoy .
Inlawlawag pay ni Madino nga umanayen ti dua a bulan a panagbusinessda sadiay isu’t gapunna a saanen a napatgan ti kiddaw dagitoy nga extension.
Innayon pay daytoy a mangrugi metlaengen nga agriri dagiti dadduma a negosyo iti aglawlawda.
Iti sabali a bangir, imbinglay ni Madino a naaddaan dagitoy iti parikut kadagiti tenants kas kaditi agkilkilay no sadino pwersada a kilayan ken lakuan dagiti customers dagitoy.
Sigun kenni Madino, pilienda a nalaing dagiti agbalin a tenants dagitoy nu mapagundawayanda nga agbalin manen nga organizer ti Strawberry Trade Fair tapno saanen a maulit ti nasao nga isyu. // Bombo Noveh Organo
