Pimmusay ti 10 a kameng ti maysa a pamilia gapu iti pre-dawn Israeli air strike idi kalman idiay Gaza, bayat a kinuna ti United Nations a dinosdosena ti napapatay iti kaudian a panangraut ti Israel iti teritorio ti Palestine.
Gapu iti dayta, nagpakdaar ti United Nations iti posible a panangpalawa ti panangraut ti Israel a posible nga agresulta iti puersado a panagbakwit dagiti tattao manipod iti teritorio ti Palestine, a nangrugian ti gubat sangapulo ket walo a bulan ti napalabas.
Sigun iti Israeli military, imbestigaranda ti panangraut a nakatayan dagiti kameng ti maysa a pamilia idiay Khan Yunis, Gaza, ken kinuna ti Israel a ti tinamaanna ket ti agarup 40 a “terror targets” iti ballasiw ti teritorio ti Palestine.
Nagsubli ti panangraut ti Israel idiay Gaza idi Marso 18, 2025.
Sipud idi, nasurok 1,500 nga indibidual ti napapatay idiay Gazam sigun iti ministry ti Hamas.
Kabayatanna, imbiahe dagiti medics ken rescuers dagiti pimmusay ken nadangran iti ospital babaen ti adu nga ambulansia, nga addaan iti sumagmamano a bangkay a nabalkot iti puraw a kabal ken blankets.
