--Ads--
Pimmusay ti sangapulo a natataengan iti Spanish retirement home idiay Madrid, Spain gapu iti napasamak nga uram idi laeng kalman.
Ti uram ket nangrugi iti maysa a kuarto iti Fernando Beltran, sigun iti maysa a nangato nga opisial ti gobierno iti nasao a lugar.
Amin dagiti biktima ket natataengan nga agnanaed iti “Jardines de Villafranca” residence.
Dumanon iti dua nga oras sakbay a naawan ti uram.
Dua nga indibidual ti adda iti kritikal a kasasaad ken kaaduan kadagiti agpatpataming ket dagiti natataengan a nakaangot ti asok.
Iti agdama, maim-imbestigaran paylaeng ti rason ken nagtaudan ti uram, kasta metten ti gatad daytoy.
