BAGUIO CITY – Naisayangkat ditoy siudad ti Baguio ti symbolic vaccination dagiti kameng ti A4 category wenno dagiti essential workers a nabigbig iti COVID-19 mass vaccination program ti gobyerno.
Maitunos daytoy iti panakaobserbar ti Labor Day ita nga aldaw nga addaan ti tema a “Bakuna para sa Manggagawa”.
Dimmar-ay iti aktibidad dagiti dadaulo ti Cordillera Regional Office ti Department of Labor and Employment, Department of Health ken ti Baguio City Health Services Office.
Nabakunaan iti first dose ti bakuna kontra iti COVID-19 dagiti sangapulo a napili nga indibidual.
Imbinglay met dagiti nabakunaan, pakairamanan ti maysa a food delivery rider a dagus daytoy nga immannugot a mabakunaan gaputa daytoy ket para iti proteksion ti bagina nangruna ta masansan daytoy a rumwar iti balayda gapu iti kita ti trabahona.
