Manamnama a makipartisipar dagiti 14 a floats manipod kadagiti nagduduma a community groups iti babbarangay ti La Trinidad, Benguet iti maangay a Drum and Lyre, Street Dancing and Float Parade inton March 21 kas paset ti Strawberry Festival 2026.
Manipod iti nasao a bilang, dua agingga tallo ti manamnama nga agtaud kadagiti pribado a sektor.
Maitampok kadagitoy dagiti recycled bottles ken daduma pay a mangitandudo metlaeng iti solid waste management.
Maipalagip a kadagiti napalabas nga edisyon ti nasao a pestibidad ket naitampok iti float parade ti pro-environment ken valley of color nu sadino, babaen iti daytoy ket naitandudo ti environmental consciousness ken comunity participation.
Gapu ta nakasentro kadagiti community-led events ti nasao a piesta, maguyguyugoy ti publiko a makipartisipar.
Mainaig iti dayta, inlawlawag met ni La Trinidad Mayor Roderick Awingan a nabukel ti Strawberry Festival kas community event bayat a sumarsaruno met iti daytoy ti turismo a makatulong iti pagdur-asan ti ekonomiya ti nasao a munsipyo.//Bombo Noveh Organo
