--Ads--
Pimmusay ti 15-anyos a lalaki kalpasan a naatalan ti dump truck nga imanmaneho ti mismo nga amana iti construction site sadiay Pasig City idi kalman, May 22, 2025.
Dead-on-the-spot ti biktima bayat nga adda iti kustodiya dagiti otoridad ti ama daytoy.
Maibasar iti police report, naglugan iti dumptruck ti ama ken inmanehona ti nasao a lugan agingga a nariknana nga adda ti kasla nabangga ti pilid.
Bimmaba garud daytoy ken ditoy a nakibtot gaputa ti anakna ti naatalana ken awanan iti biag.
Dagus a nagkiddaw daytoy iti tulong ken nagresponde ti Pasig Emergency Unit.
Agparparang a ti ubing ket pahinante ken daytoy ket naturog iti sirok ti truck nupay kasta saan a nasiputan ti ama rason a naatalan daytoy.
