Nakabalud itan ti ubing a lalaki nga agtawen ti disi sais idiay Estados Unidos kalpasan ti maipagarup a panangpapatayna kadagiti kameng ti pamiliana.
Iti statement ti Valencia County Sheriff’s Office, nakaawatda ti 911 emergency call iti maysa a lalaki a menor de edad a nangibaga a pinatayna ti pamiliana.
Idi simmangpet dagiti otoridad iti pagtaenganda, nagna a rimuar iti pagtaenganda ti lalaki ken naduktalan a nakaro ti pannakabartekna.
Dagos a kinnemmeg dagiti otoridad ti lalaki.
Iti panagserrek dagiti otoridad iti pagtaengan, nakitada a pimmusayen ti pamilia ti lalaki a gapu iti panangpalpaltog ti suspek.
Nabigbig dagiti biktima a da Leonardo Leyva, 42-anyos, ama ti suspek, Adriana Bencomo, 35-anyos, ina ti suspek, Adrian Leyva, 16-anyos, ken Alexander Leyva, 14-anyos a kabsat ti suspek.
Nadiskobre ti paltog nga adda iti rabaw ti lamisaan iti kusina.
Napilaan metten ti suspek iti kaskenan a kaso.
Maibasar iti datos, agarup 484 mass shootings ti nailista ita a tawen idiay Estados Unidos.
