Pimmusay ti 17-anyos nga estudyante kalpasan a natamaan iti natnag a bato sadiay Mount Data Cliff, Monamon Sur, Bauko, Mountain Province itay alas singko ti malem.
Nabigbig daytoy a ni Amanda Loyola Manocay bayat a nadangran ti kabsatna a ni Rafael Loyola Manocay, 16-anyos.
Maibasar iti report ti Bauko MPS, nagtaud dagiti agkabsat manipud Mt Data, Bauko ken paawid dagitoy sadiay Sadsadan, Bauko babaen iti motorsiklo.
Nupay kasta, kabayatan ti panagdalyasatda iti kalsada ket adda ti natnag a bato a naitama iti ulo ti biktima ken iti saka ti kabsatna.
Naiturong dagiti agkabsat iti Luis Hora Memorial Regional Hospital, Abatan, Bauko babaen iti personnel ti BFP-Bauko.
Nupay kasta, naideklara a dead on arrival ti maysa kadagitoy gapu iti Traumatic Brain Injury.//caras
