--Ads--
BAGUIO CITY – Nailista manen ti Baguio City ti dua a baro a kaso ti COVID-19.
Sigun kenni Mayor Benjamin Magalong, maysa kadagiti pasyente ket 28-anyos a babai manipud City Camp Central nga addaan history of travel sadiay San Fernando, La Union idi May 26.
Kinunana nga asymptomatic wenno awanan ti sintomas ti nasao a babai ngem addaan daytoy ti suspicious pneumonia kas maibasar iti chest x-ray.
Dinakamatna a ti maikadua a pasyente ket 25-anyos a lalaki manipud Apugan, Kennon Road nga asymptomatic wenno awanan ti sintomas ngem awanan ti history of travel wenno exposure iti sakit.
Imbilin metten ti mayor ti panangisayangkat dagiti maseknan nga opisina iti disinfection, contact tracing, isolation ken patient management.
