BAGUIO CITY- Naideklara ti dua pulo a municipio sadiay Abra kas COVID-19 free.
Karaman ditoy ti Bangued, Boliney, Bucay, Bucloc, Daguioman, Danglas, Dolores, Lacub, La Paz. Lagayan, Langiden, Licuan-Baay, Luba, Malibcong, Pidigan, Pilar, Sallapadan, San Isidro, San Juan and Tineg.
Sigun kenni Disease Surveillance Officer Leila Bernal, awanen ti nailista dagitoy a kaso ti COVID-19 no sadino dagiti immunan a nakaptan ket naimbaganen.
Iti kaudian a datus, innem laeng ti aktibo a kaso ti COVID-19 a nailista ti Abra no sadino buklen daytoy ti tallo a kaso iti Lagangilang ken saggaysa iti Peñarrubia, Tayum, ken Villaviciosa.
Iti vaccination coverage, 90.1% manipud iti pakabuklan nga eligible population ti naan-anayen a nabakunaan no sadino 28% kadagitoy ti nakaawaten booster.
Imbinglay ni Bernal a pinasayaatda ti contract tracing effort ken surveillance effort rason a napababa ti tsansa a maiyakar ti nasao a virus.
Inayonna a mangipatpatulodda ti swab specimens iti molecular laboratoy tallo a daras iti makalawas tapno mabigbig dagiti indibidual a positibo iti COVID-19 ken mabigbig ti close contact dagitoy.
Malaksid iti daytoy, impettengna a ti panagngato ti bilang dagiti isolation quarantine facilities ket dakkel a kontribusion iti panakakontrol ti kaso ti COVID-19.
Iti agdama ket naipasidong ti Abra iti minimal (new normal) epidemic risk level.
Nakalukat metten ti ruangan ti Abra kadagiti fully vaccinated nga outsiders.
