--Ads--
BAGUIO CITY – Ar-aramaten ita ti lokal a gobyerno ti La Trinidad, Benguet ti 20 a kwarto ti maysa a dormitoryo sadiay para kadagiti suspected cases ti COVID-19 ti munisipyo.
Iti interview ti Bombo Radyo Baguio kenni Mayor Romeo Salda, kinuana a daytoy ket kalpasan a napirmaan ti katulaganda iti nasao a dormitoryo, no sadino, P100,000 ti binulan ti bayadan ti munisipio iti daytoy.
Kinunana a paset daytoy ti panagsapolda kadagiti kanayunan a pasilidad a mangakomodar kadagiti pasyente ti COVID-19 gapu iti panagngato ti bilang ti nasao a sakit, pakairamanan dagiti 20 nga aplikante ti kina-pulis.
Innayonna nga iti agdama ket 50 ti aktibo a kaso ti COVID-19 sadiay La Trinidad bayat a 57 dagiti naimbaganen.
