--Ads--
Naispal dagiti dua pulo ket ket maysa manipud kadagiti dua pulo ket dua a filipino seafarers a naglugan iti barko a rinaut dagiti rebelde a Houthi iti Red Sea.
Daytoy ket kinumpirmar ni Migrant Workers Secretary Hans Leo Cacdac ita nga aldaw.
Sigun kenkuana, narescue dagitoy babaen iti nagtinnulong a pwersa dagiti international forces.
Nupay kasta, saanna nga impakaammo ti agdama a lokasyon dagitoy tapno masigurado paylaeng ti seguridad dagitoy.
Kabayatanna, kinuna ni Cacdac nga agtultuloy latta ti panagbiruk dagitoy iti maysa a Pilipino Seafarers kalpasan a naipadamag a mapukpukaw daytoy.
Manamnama a mangisayangkat dagitoy iti salvaging operation iti barko ket agsubli dagitoy tapno biruken ti nasao a seafarer.//Rose
