Nagkiddaw iti pammakawan ti 22-anyos a sampaguita vendor iti security guard a naikkat iti trabaho gapu iti insidente a napasamak iti maysa a mall sadiay Mandaluyong City idi Disyembre idi napalabas a tawen a nagviral.
Sigun iti sampaguita vendor, saanna a pagaayat a maikkat iti trabaho ti guard kasta met a daytoy ti nagdesisyon iti panakaikkatna iti trabaho no diket ti mall.
Impeksana pay a saanna a pinagsasoan ti guard.
Nupay kasta,madanagan daytoy iti seguridadna gapu ta mabalin a sublian daytoy ti security guard a naikkat iti trabaho.
Kabayatanna, inaklonna a makaaw-awat daytoy iti nagduduma a pamabbalaw gapu iti napasamak ken inlawlawagna a saan a pudno dagiti damag a daytoy ket miyembro dagiti sindikato nga agpalpalimos.
Nagpalawag met ti pamilia ti viral a babai sampaguita vendor nu apay nga high school uniform ti kawesna bayat ti panaglakona iti baet a baente dos anyos daytoy ken maysa pay a kolehiyo.
Sigun iti pamilia, nu saan a nakauniporme dagiti annakna ket saanda a makalako.
