Nangidiaya ti Federal Bureau of Investigation (FBI) Dallas Field Office iti $25,000 a gungguna para iti makaipay iti impormasyon a mangitunda iti pannakakemmeg ti Filipino national a maatap nga adda ti pakainaiganna iti online child exploitation.
Maatap a ponteria dagitoy dagiti minor de edad babaen iti gaming ken social media platforms.
Nabigbig ti wanted suspect a ni Austin Jan Sy Yatco.
Sigun iti FBI, maatap a karaman ni Yatco iti exploitation activities a napasamak kabayatan ti pandemya manipud 2019 agingga 2021.
Impaulog ti United States District Court for the Eastern District of New York idiay Brooklyn, New York ti federal arrest warrant kontra kenni Yatco idi January 23, 2026.
Daytoy ket kalpasan a naidarum gapu iti panangpataud iti child pornography, panagiwaras iti child pornography ken dadduma pay.
