BAGUIO CITY – Nakemmeg ti 28 nga indibidual gapu iti panaglabsingda iti Republic Act 9287 wenno ti iligal a panagsugal bayat a naispal ti lima a menor de edad manipud Setyembre 12 agingga Setyembre 18.
Maibasar iti report, pakabuklan a sangapulo ket tallo nga anti-illegal gambling operations ti naipatungpal iti probinsiya.
Nagresulta daytoy iti panakatiliw dagiti indibidual ken panakakumpiskar ti pakabuklan a P19,915 a bet money ken siyam nga slot machines (Kulolong).
Nakumpiskar metlaeng dagiti playing cards, maysa a complete set ti Drop Ball table ken uppat a pidaso ti ping pong balls, listaan ti betting combinations, bet collections ken winning combinations, bingo cards ken cellphones.
Naiturong iti istasyon ti pulisya dagiti nakemmeg a suspek ken dagiti nakumpiskar nga ebidensiya para iti umno a dokumentasyon ken panakaipila ti kaskenan a kaso.
Naipama met dagiti menor de edad iti Municipal Social Welfare Development.
