BAGUIO CITY – Nakemmeg ti tallo a drug personalities iti buy-bust operation nga insayangkat dagiti otoridad sadiay Paraan Street, Victora Village, Baguio City idi parbangon kalman.
Nabigbig dagitoy a da Ian Sarah Landingin Moran, 26-anyos, maysa a High Value Individual; James Batulos Yu, 31-anyos ken Cristopher Aquino Bajit, 41-anyos, taxi driver, bin-ig a residente ti siudad ti Baguio.
Nakumpiskar kadakuada ti pito a pakete ti maatap a shabu nga agdagsen ti uppat a gramo ken aggatad ti dumanon P26,000 malaksid pay iti nagduduma a drug paraphernalia.
Na-impound metlaeng ti taxi nga addaan plaka nga AYU 821 nga inaramat dagiti tallo a nakitransaksion iti operatiba a nagpammarang a poseur buyer.
Sumangsango metten dagiti tallo iti kaso a panaglabsing iti RA 9165 wenno iti Comprehensive Dangerous Drugs Act of 2002.
