BAGUIO CITY – Sumangsangon ti tallo nga indibidual iti nagsina a buy-bust operations iti Baguio City ken La Trinidad, Benguet.
Immuna a natiliw sadiay Pico, La Trinidad, Benguet idi kanikadua da Arvin Romero Roque, 32-anyos, vegetable packer, residente ti Pico, La Trinidad ken ni Manolo Cuenco Ignacio Jr., 42-anyos, porter, residente ti Tawang, La Trinidad.
Nakumpiskar kadagitoy ti maysa a pakete ti maatap a shabu nga agdagsen ti 1.56 grams.
Simmaruno a natiliw sadiay Rizal Monument Barangay, Baguio City idi rabii ni Jason Alejandro, 25-anyos, dishwasher ken residente ti Upper Rock Quarry, Baguio City.
Nakumpiskar kenkuana ti dua a pakete ti mapapati a bulbulong ti ` marijuana nga agdagsen ti 10 grams.
Agpada met a narekober manipud kadagiti suspek ti naaramat a buy-bust money ken nakumpiskar pay dagiti cellphone nga inaramat dagitoy iti panakitransaksionda kadagiti operatiba.
Sumangsango metten dagitoy iti kaso a panaglabsing iti Comprehensive Dangerous Drugs Act of 2002.
