BAGUIO CITY – Nakemmeg ti dua a maibilbilang a street level individual iti naipatungpal a buy-bust operation sadiay Aguila street, Dizon Subdivision Baguio City.
Nabigbig dagitoy a da Marloui Almonte Llarena alyas Kuya, 31 anyos, estudyante ken residente ti Ananayo Street Upper Quarry Baguio City ken tubo ti Masicong San Fernando, La Union ken ni Jimboy Senal Tanay alyas Boy, 28 anyos, Tubo ti Quezon City Manila ken residente ti nadakamat a lugar.
Maibasar iti report, nangilako dagitoy iti mapapati a shabu nga agdagsen iti 10 grams ken aggatad iti 28, 000 kadagiti kameng ti kapulisan a nagpamarang kas poauer buyer.
Malaksid iti dayta, nakumpiskar manipod kadakuada kabayatan ti operasyon ti buybust money ken boodle money, cellphone a naaramat iti transaction.
Iti agdama ket addan dagitoy iti kustudiya ti kapulisan ken manarimaan metten iti pannakaipila ti kaskenan a kaso kontra kadakuada
Kabayatanna, nakemmeg pay ti maysa a lalaki kasaruno ti buybust operation nga impatungpal ti Buguias Munisipal Police Station sadiay Abatan Buguias Benguet.
Nabigbig daytoy a ni Mr. Charlie Tabao-ican Timpac, 25 anyos, baro, mannalon ken residente ti Cabacab, Balili, Mankayan, Benguet.
sigun ken Buguias MPS Chief of Police PMaj. Renny Lizardo, nangilako ti suspek kadagiti operatiba a nagserbi kas poseur-buyer iti bassit a pakete ti maatap a shabu nga agdagsen iti 0.12 grams ken aggatad iti P816.00
Malaksid iti dayta, nakumpiskar pay manipod iti suspek ti buybust money, cellphone a naaramat iti transaction ken kanayunan a lima a pakete ti maatap a shabu nga agdagsen iti 0.81grams ken aggatad iti P5,508
naipila metten ti kaso a panaglabsing iti R.A 9165 wenno Comprehensive Drugs Act of 2002 kontra iti suspek
