BAGUIO CITY – Maangay ti tallo nga aldaw a panagsanay para kadagiti senior citizens ditoy siudad ti Baguio a kayatda ti agbalin a tour guides.
Sigun kenni Councilor Betty Lourdes Tabanda, maangay ti panagsanay inton September 9-11.
Kinunana a maipaayan iti gundaway dagiti senior citizens a tumulong iti lokal a gobyerno tapno maital-o pay ti turismo ditoy siudad.
Matutukan iti panagsanay ti pakasaritaan ken kultura ti Baguio tapno mapaka-ammuan dagiti natataengan.
Kwalipikado iti panagsanay dagiti senior citizens a physically fit, nalaing a makilangen kadagiti tattao ken nakasagana a maipasidong iti panagsanay.
Dinakamat ti konsehal a limitado laeng ti slots dagiti agbalin a tour guides isut gapuna a nasken nga agparehistro dagiti kwalipikado a senior citizens iti opisinana gaputa adda ti applicaion form.
Innayonna nga awan ti mabayadan iti nasao a panagsanay.
