Napurwan ti luppo ti driver iti motorsiklo a karaman iti aksidente iti entrance iti Crystal Cave, Bakakeng Central, Baguio City pasado alas diez itay agsapa.
Maibasar iti inisyal a datos, tallo nga indibidwal ti naitaray iti pagagasan pakairamanan ti nasao a driver.
Sigun kadagiti nakauman ti Bombo Radyo a kameng iti pulisya, 13 nga indibidwal ti karaman iti aksidente a buklen ti 11 a pasahero ken dagiti driver iti private mini bus ken ti motorsiklo.
Dagiti nasao a pagluganan ket nagdinnungpar iti nasao a lugar nu sadino,idi napasamak daytoy ket sumangsang-at ti motorsiklo bayat sumalsalog met ti mini bus.
Rumrumwar met a machanical defect wenno loose break ti rason iti nasao nga aksidente.
Iti agdama, manarimaan paylaeng ti imbestigasyon dagiti otoridad seknan iti daytoy.//Bombo Newsteam
