BAGUIO CITY – Sumangsango iti kaso a panaglabsing iti Presidential Decree 1602 ti tallo pulo ket dua a lalaki kalpasan a naaktuwan dagitoy a mangipatpatungpal iti illegal cockfight gambling wenno ti iligal a panagpallut sadiay Babalag East, Rizal, Kalinga itay nabiit.
Natiliw dagitoy babaen iti nagtipon a pwersa ti nagduduma a yunit ti pulisya.
Bin-ig a residente dagiti nakemmeg nga indibidual iti Cagayan ken Kalinga.
Narekober manipud kadagiti suspek ti betting money ken cockfighting nga awanan permit nga ag-operate.
Naiturong dagiti suspek ken dagiti nakumpiskar nga ebidensiya iti Rizal MPS para iti umno a dokumentasyon ken panakaipila ti kaskenan a kaso.
Guyguyogoyen met ita ni PCol. Peter Tagtag Jr., dadaulo ti Kalinga PPO, dagiti residente nga iyuman da a dagus kadagiti otoridad nu adda ti makita da a mangipatpatungpal iti aniaman a kita ti iligal nga aramid tapno dagus a maaksyonan.
