Inwaragawag ti Overseas Workers Welfare Administration (OWWA) a dumanon iti 341 a distressed ken stranded nga overseas Filipino workers (OFWs) sadiay Middle East ti naituding nga agsubli iti pagilian a Pilipinas babaen iti chartered flight.
Agtaud dagiti nasao nga OFW sadiay Kingdom of Saudi Arabia (KSA), Kuwait, ken Bahrain.
Sigun iti OWWA, naituding ti flight dagiti OFW iti March 14, 2026 manipud sadiay Riyadh agingga sadiay Manila.
Innayon ti nasao nga ahensia a panarimaan ti pannakaasistar dagiti OFW sadiay Bahrain babaen iti OWWA, Department of Migrant Workers (DMW), Philippine Embassies sadiay Riyadh ken Manama tapno kadalyasat dagitoy iti borders a paturong sadiay Riyadh.
Kabayatanna, maipapaay metten ti kaskenan a tulong kadagiti OFWs sadiay Kuwait babaen iti tulong dagiti government teams a mangipoproseso iti travel clearances ken land border crossing.
Manamnama a sumangpet dagitoy iti pagilian intun March 15, 2026.
