Dumanunen iti 35 dagiti nakompirmar a pimmusay bayat a 12 dagiti mapukpukaw gapu iti magnitude 7.8 a ginggined iti probinsiya ti Sarangani ita a Lunes, June 08, 2026.
Sigun kadagiti provincial authorities, 130 a tattao dagiti nasugatan bayat a nasurok 2,000 nga umili ti naibakwit gapu iti pangta ti tsunami kalpasan ti ginggined.
Iti agdama, agtultuloy ti search and rescue operations kadagiti apektado a lugar.
Immuna a kinuna ti National Disaster Risk Reduction and Management Council (NDRRMC) a 17 dagiti pimmusay iti Sarangani, 12 iti General Santos City, ken dua iti South Cotabato.
Sigun kadagiti opisial, kangrunaan a karit kadakuada ti pannakapukaw ti koriente ken komunikasion iti dadduma a lugar.
Kabayatanna, temporario a naiserra ti General Santos Airport kalpasan a naduktalan ti pannakadadael ti sumagmamano a paset ti terminal building.
