BAGUIO CITY – Naarestar iti maikadua a gundaway ti 36-anyos a lalaki iti naipatungpal a Drug Buy-Bust Operation sadiay Barangay San Luis, Baguio City idi Agosto 18, 2026.
Nabigbig ti suspek a maysa nga HVI -PNP, construction worker ken residente iti Lower Atab, Marcos Highway, Baguio City.
Nakumpiskar manipud iti suspek ti dua a heat sealed transparent plastic sachet a naglaon iti maatap a shabu nga agdagsen iti 10 grams ken addaan iti Standard Drug Price (SPD) P68,000.00.
Dagiti nakumpiskar a maatap a shabu ket subject of sale ken possesion ti suspek.
Malaksid iti dayta, nakumpiskar metlaeng ti sumagmamano a non-drug items kas iti maysa a pidaso ti genuine Five-Hundred-Peso (PhP500.00) a naiparabaw iti 27 a pidaso ti fake Five-Hundred-Peso (500) bills a naaramat kas Boodle Money; dua a pidaso ti cellphone; maysa nga sling bag; maysa a glass tooter; maysa a pouch; maysa a butane nozzle ken maysa nga Identification Card ti suspek.
Balligi ti nasao nga operasyon babaen iti nagtipon a pwersa ti PNP Drug Enforcement Group Special Operations Unit iti Cordillera Administrative Region (PDEG SOU CAR) (Lead unit), Baguio City Police Office Police Station 1 (BCPO PS 1), City Drug Enforcement Unit (CDEU) Baguio City, ken Regional Police Drug Enforcement Unit (RPDEU) Police Regional Office CAR and Regional Intelligence Unit 14 (RIU14).
Kabayatanna, maipaima ti suspek iti Baguio City Police Office Police Station 1 (BCPO PS 1) para iti temporary custody bayat a dagiti nakumpiskar a drug evidences ket maipaima iti Regional Forensic Unit (RFU) CAR, Camp Major Bado Dangwa, La Trinidad, Benguet para iti Qualitative Examination.
Maipasidong dagiti non-drug evidence iti kusotidiya ti PNP DEG SOU CAR para ti umno a dokumentasyon ken disposisyon.
Sumango ti suspek iti kaso a panaglabsing iti RA 9165 wenno Comprehensive Dangerous Durgs Act of 2002.//Edited
