ABRA PROVINCE – Hustisya ti pukkaw ita ti partner ti 36-anyos a biktima ti tallo a daras a panakadanog sadiay Barangay Patiao, Peñarrubia, Abra.
Maibasar iti imbestigasyon, nakainom ti biktima ken maatap a kinaritna dagiti sumagmamano a lallaki ti fist fight.
Sigun kenni PCapt. June Saliw-an, dadaulo ti Peñarrubia Police Station, dinanog ti barangay tanod a suspek ti biktima iti panggepna a saan a maunaan a madanog daytoy.
Intaray ni barangay chairman Dondie Baker ti biktima iti ospital ngem pimmusay metlaeng daytoy.
Nakasagrap ti biktima ti sugat iti rupa ken tengnged daytoy.
Kabayatanna, simmuko ti tanod iti kustodiya ti pulisya ken kinunana a dinepensaranna laeng ti bagi-na ken awan ti panggepna a patayen ti biktima.
Sumang ti suspek iti kaso nga homicide.
