BAGUIO CITY – Nakemmeg ti uppat a lallaki gapu iti panagaramatda ti iligal a droga sadiay Purok 2, Tam-awan Road, Pinsao Proper, Baguio City idi kanikadua.
Nabigbig dagitoy a da William Sabado Casibang, 26, agab-abang sadiay Tam-awan, Pinsao Proper, Baguio City; Joemamel Valera Dipatuan, 35, street vendor, residente ti Bakakeng Central, Baguio City; Rasul Valera Dipatuan, 31, street vendor, residente ti Irisan, Baguio City ken ni Dario Embat Dacera,35, barbero, residente ti Victoria Village, Baguio City.
Nakemmeg dagitoy kalpasan a nagresponde dagiti otoridad iti tawag a naawatda mainaig iti nasaknap a panagaramat ti iligal a droga iti lugarda babaen iti pot sessions.
Naaktuwan met dagiti otoridad dagiti uppat nga agar-aramat iti iligal a droga.
Nakumpiskar kadagitoy ti tallo a pakete ti mapapati a shabu ken nagduduma a drug paraphernalia.
Sumangsangon dagitoy iti kaso a panaglabsing iti RA 9165 wenno Comprehensive Dangerous Drugs Act of 2002.
