Uppat a Pilipino ti unaccounted wenno mapukpukaw kalpasan ti napasamak a napigsa a 7.7 magnitude a gingined sadiay Myanmar itay kanikadua.
Sigun kenni Department Foreign Affairs Undersecretary for Migrant Workers Affairs Eduardo de Vega, maatap a dua a Pilipino ti angnanaed iti maysa a pasdek a nagcollapse.
Dagiti uppat a “unaccounted Filipinos” ket propesyonal a mabalin nga agtratrabaho kas mannursuro wenno iti uneg ti opisina.
Kabayatanna, kiddaw ni de Vega ti panangikararag iti Myanmar nangruna ket rinibribo nga indibidual ti pimmusay iti nasao nga insidente.
Para sadiay Thailand a nakapasar iti napigsa nga epekto ti gingined ket awan met ti Pilipino a pimmusay gapu ta kinuna ni de Vega nga awan unay dagiti pasek wenno skyscrapper a nagcollapse.
