BAGUIO CITY – Naipaay ti Envi Heroes Award iti lima a babbarangay ditoy Baguio iti naangay a recognition ceremony ti Environmental Management Bureau (EMB) – Cordillera para kadagiti outstanding barangays ti siudad a nakaaramid ti kontribusyon ken nasustinir a kampanya iti tay-ak ti solid waste management.
Naipaay ti nasao a pammadayaw kadagiti babbarangay a Gibraltar, Scout Barrio, Camp 7, Magsaysay Private Road ken South Sanitary Camp.
Nakaawat metlaeng dagitoy iti de-kalidad a segregated garbage bins nga addaan ti metal stand malaksid iti Plaque of Recognition kas token iti panagtungpal dagitoy iti umno a panakaimaton dagiti basura.
Mangnamnama met ti lokal a gobyerno ti Baguio nga agserbi daytoy nga inspirasyon kadagiti amin tapnu aramidenda ti batangda iti panakakissay ti lebel ti polosyon para iti pagsayaatan ti amin.
