BAGUIO CITY – Nakailista ti Department of Health ti probinsia ti Abra ti lima a kaso ti firecracker related injuries iti panangsangbay ti baro a tawen.
Iti pannakiyuman ti Bombo Radyo kenni Abra Provincial Disaster Risk Reduction Management Officer Elmer Bersamin, kinunana a nababbaba ti kaso a nailista dagitoy a biktima ti paputok no idilig iti kaso a nailista dagitoy idi napalabas a tawen.
Kinunana a daytoy ket gapu iti nainget nga information dissimenation nga inpatungpal dagiti maseknan nga ahensya kas iti Philipine National Police (PNP), Bureau of Fire Protection (BFP) ken dadduma pay.
Kabayatanna, inaklon ti opisyal a naipaayan ti permiso dagiti 12 a firecracker store sadiay partikular iti ili ti Bagued, Abra ngem kinunana a nagtungpalda iti requirements kas iti fire safety ken dadduma pay.
Mainaig iti daytoy, maysa a kaso uram ti nailista dagitoy nga intunda ti paputok ngem impasigurado ti opisyal nga awan iti nauram nga estruktura.
Nakailista pay dagitoy iti maysa a kaso ti panagpaltog iti maysa a pagtaengan sadiay Abra ngem awan ti nadangran iti nasao a panagpaltog.
