BAGUIO CITY – Naipasidong iti lockdown ti sumagmamano a sitios sadiay Itogon, Benguet kalpasan a nairekord ti 74 a kaso ti COVID-19 ti munisipio idi kalman.
Sigun ken ni Mayor Victorio Palangdan, nailockdown ti Sitio Luneta iti Barangay Loacan; Sitio Sangilo, Poblacion; Balatoc, Virac ken Eastern Saddle, Ampucao.
Inlawlawag ti mayor nga amin dagiti nasao a lugar ket maibilang a ‘thickly populated areas’.
Kinunana nga atapen dagiti otoridad a napasamak ti transmission ti virus iti uneg ti bunkhouse dagiti kompania ti minas gapu ta kaaduan kadagiti nakaptan nga indibidual ket trabahador ken minero nga agnanaed kadwada ti pamilyada.
Dinakamat ti opisial nga atapenda a nagwaras ti nasao a sakit kalpasan nga ada ti nagpositibo a maysa a ina a nakapulapol dagiti minero ken trabahador.
Gapu iti daytoy, pappapartaken ti Municipal Health Services Office ti Itogon ti contact tracing para iti isolation ken swab testing.
Iti agdama ket dumanonen iti pakabuklan a 157 ti kaso ti municipio iti Itogon nu sadino 42 ti nakarekober ken maysa ti pimmusay.
