Inaprobranen ti Department of Budget and Management (DBM) ti kanayunan a 5,000 non-teaching positions para iti Department of Education (DepED).
Daytoy ket kalpasan a kiniddaw ti Department of Education (DepED), no sadino panggep daytoy a matulungan dagiti manursuro manipud kadagiti trabaho dagitoy kas kadagiti admininstrative tasks gapu iti kinukurang dagiti non-teaching personnel.
Gapu iti daytoy, nangiruar ti Department of Education (DepED) iti Order No. 002, series of 2024, no sadino mangimanmandato daytoy iti pannakaikkat dagiti administrative tasks manipud iti trabaho dagiti manursuro tapno makapokus dagitoy nga agisuro kadagiti estudyante da.
Sigun kenni Budget Secretary Amenah Pangandaman, inaprobaranda daytoy para iti pagsaayatan dagiti manursuro pakairamanan dagiti estudyante.
Kabayatanna, ti positions a mabalin a maaply-an ket dagiti Administrative Officer II nga addaan iti salary grade II, no sadino maideploy dagitoy kadagiti nagduduma nga school division iti Cordillera Administrative Region, National Capital Region (NCR), Regions I, II, III,IV ken dadduma pay.
