Ipatungpal ti Department of Agriculture (DA) ti P53 tunggal kilo a suggested retail price (SRP) iti local rice.
Sigun kenni Agriculture Secretary Francisco Tiu Laurel Jr., nagtulagan ti Department of Agriculture (DA ) ken rice industry stakeholders a maituding ti P53 tunggal kilo nga SRP iti lokal a bagas.
Panggep daytoy a maibalanse ti ganansia dagiti mannalon ken badyet dagiti konsumers .
Nupay kasta, inlawlawag ni Tiu Laurel Jr. a saan a price ceiling ti SRP kadagiti lokal a bagas.
Sigun kenkuana, basaran laeng daytoy dagiti kosumers iti local rice prices.
Manamnama ti detalyado a memorandum ti Department of Agriculture iti kabiitan a panawen.
Mangrugi ti pannakaipatungpal ti P50 price cap inton sumaruno a lawas, tapno maipaayan ti panawen dagiti retailer ken consumers nga ag-adjust.
