Iti panakaikkat dagiti restriksyon iti panakipaset ti Miss Universe beauty pageant.
Adon dagiti makipaspaset iti daytoy a pasalip a pakairamanan dagiti miyembro ti LGBTQIA+, dagiti addaan ti annak kasta met dagiti indibidual iti anya nga edad.
Ka-Bombo, amo yu kadi a maysa a babai nga agtawen ti innem a pulo ti nakwalipikar iti Miss Argentina kalpasan a nakoronaan daytoy kas Miss Buenos Aires.
Daytoy ket awan sabali no di ni Alejandra Marisa Rodriguez.
Sigun kenni Rodriguez, iti panakaalana ti titulo kas Miss Buenos Aires, adda a magagaran daytoy a maala pay ti titulo ti Miss Argentina bayat nga impeksana a daytoy ti panawen nga ipakita wenno ipaneknekna a ti kinapintas ket saan a maibasar iti edad wenno anyaman a kwalipikasyon.
Iti laksid ti edad daytoy ket mapataltalinaedna met ti kinaubing a pintas daytoy no sadino daytoy ket babaen ti panag-ehersisyo, panag-fasting, panangan kadagiti nasusustnsaya a taraon, ken ti panagusar kadagiti skin creams.
Kabayatanna, manamnama nga inton Mayo ti agdama a tawen ket maisayangkat ti koronasyon para iti Miss Argentina 2024.//M
