--Ads--
Mapapati a nagkettel iti bukodna a biag ti 8-anyos a Grade 2 pupil idiay Narvacan, Ilocos Sur.
Iti interview ti Bombo Radyo Vigan kenni PMAJ. Alexander Dangli, nag-apa ti biktima ken ti kabsatna a babai a Grade 3 pupil kalpasan a saan daytoy a naikkan ti junk foods.
Nagawid dagiti agkabsat iti pagtaenganda ngem nagsiddaaw ti inada gapu ta agarup maysa nga oras a saanna a nakita ti biktima rason a binirukna.
Nasarakan ti biktima nga awanan puot a nakabitin iti bobeda ti Cr babaen iti nylon rope.
Dagus met a naibaba ti biktima ken naitaray iti ospital ngem naideklara a pimmusay.
Iti baet daytoy, agtultuloy latta ti imbestigasyon dagiti otoridad seknan iti nasao nga insidente.
