--Ads--
Impakaammo ti Department of Foreign Affairs a naituding a mawayawayaan dagiti 9 a Pinoy Crew ti M/V Eternity C a kinawtibo dagiti Houthi idi Hulyo 7 iti Red Sea.
Sigun kenni DFA Secretary Maria Theresa Lazaro tinulungan dagitoy ti Sultanate sadiay Oman tapno mawayawayaan dagiti nasao a Pilipino.
Naituding met a maiturong dagiti Pilipino manipud Yemen paturong sadiay Muscat, Oman.
Gapu iti dayta, agsagsaganan ti gobierno ti Pilipinas sadiay Muscat tapno maiyawid dagitoy.
Maipalagip a walo a Pinoy crew ti nasao a barko ti nakaawid idi paylaeng Hulyo.
Nupay kasta, tallo met ti pimmusay bayat a maysa ti mapukpukaw iti panag-atake dagiti Houthi.
