--Ads--
Patien ti Department of the Interior and Local Government (DILG) nga ad-adda a naparpartak ken ad-adda nga epektibo ti 911 emergency hotline iti panagresponde ti tawag babaen ti panangusar ti advance technology.
Sigun kenni DILG Secretary Benhur Abalos, naparpartak ti garawda ita gapu iti teknolohiya, saan a kas idi a “mano-mano.”
Bayat ti simulation, ti kinabayag ti panagresponde dagiti kameng ti pulisiya iti 911 call ket dimmanon iti lima pulo ket innem a segundo.
Inlawlawag met ni Bernard delos Santos ti E911 National Call Center a dagos a maamuanda ti “prank” ken “spam calls” gapu paylaeng iti baro a teknolohiya.
Maibasar iti rekord dagitoy, dumanon laeng ti lima gasut agingga 5,000 a tawag ti lehitimo a naawatda.
