BAGUIO CITY – Apektado dagiti umili ti probinsya ti Kalinga kasaruno ti panagwaras iti social media ti istorya ti Briton a ni David Wenham ken ni Maribel Agliam a taga-Ammacian, Pinukpuk, Kalinga.
Iti panakiuman ti Bombo Radyo iti sumagmamano a taga-Kalinga a nagkedked nga agpadakamat iti nagan, kinunada a ti inaramid ti nasao a babai ket maysa a nakaibabainan dagiti umili iti probinsya dagitoy.
Kinunada a nakababain kadakuada a taga-Kalinga ti nasao nga istorya a nakadadaelan ti imahe dagitoy.
Impettengda a rumbeng nga agparangen ni Agliam ken mangipaay iti kaskenan a pammalawag mainaig iti nasao nga insidente.
Kinunada a nu mapaneknekan a pudno ti istorya ket kasapulan nga agaramid iti kaskenan nga addang dagiti opisyales ti Kalinga tapnu madusa ti nasao a babai.
Naamuan nga agwarwaras metten iti media sadiay United Kingdom ti nasao nga istorya ni Wenham a NAGAYAT iti maysa nga Ammacian woman a nangallilaw, nangaramat ken nangibus iti kwarta daytoy.
