--Ads--
BAGUIO CITY – Nakemmeg ti maysa a baket kalpasan a pinanggepna a mangiserrek iti tabako iti uneg ti Baguio City Jail Male Dorm idi kalman.
Nabigbig daytoy a ni Rosalina Salube, maysa a senior citizen ken residente iti siudad ti Baguio.
Sigun kenni JCI Crispin Dornagon, Jail Warden ti nasao a pagbaludan, panggep ti nasao a baket a sarungkaran ti nakabalud nga annakna.
Nupay kasta,idi kinapkapanda daytoy ket narekober iti ikot daytoy ti lima a bundle ti napitpit a tabako nga inkabilna iti bra daytoy.
Gapu iti daytoy, ipalpalgip ti jail warden kadagiti sumarsarungkar iti pagbaludan ti saanda a pananggandat nga agimet kadagiti maipawil a bambanag ken kontrabando pagbaludan.
