Art Installation sadiay Session Road, nauram; panakasalwad dagiti dekorasion iti aglawlaw ti siudad ti Baguio, nakiddaw
Umap-apela ni City Councilor Elmer Datuin iti panangraem ti publiko kadagiti dekorasyon a naimuntar iti nagduduma a paset ti siudad.
Daytoy ket kalpasan a nauram ti sumagmamano a paset ti ti Art Installation sadiay Upper Session Road itay parbangon.
Impettengna a no saanda a kayat a kitaen ti nasao a dekorasyon ket saandan nga agaramid iti saan a napintas a banag tapnu laeng madadael daytoy.
Kinunana a gapu iti panakauram ti nasao nga Art Installation ket posible a maakas daytoy tapnu maisimpa.
Inayona met nga iti agdama ket maimimbestigaran ti nasao nga insidente tapnu mabigbig no asino ti nang-uram iti daytoy.
Maipalagip a ti nasao a dekorasyon ket inaramid ti Tinatik artist a ni Maela Liwanag Jose.//Bombo Radyo Baguio
