BAGUIO CITY – Bimmaba ti kaso ti children in conflict with the law (CICL) iti probinsia ti Benguet idi 2017.
Sigun kenni Juana Banawe, dadaulo ti Provincial Social Welfare and Development Office (PSWDO), nakailistada iti 169 a kaso ti CICL idi 2016 ken bimmaba daytoy iti 124 a kaso idi napalabas a tawen 2017.
Kinunana nga iti listaanda ket 109 dagiti lallaki ken 15 dagiti babbai a naibilang a suspek a CICL .
Nailista ti kangatuan a kaso ti CICL sadiay La Trinidad ken Itogon ken kaaduan a kaso dagitoy ket panagtakaw, panangdangran ken panagrames.
Nakailista ti opisina iti 68 a kaso ti panagtakaw, 20 a kaso ti panagdangran ken 11 a sexual abuse.
Innayon ni Banawe a naksayan met laeng ti bilang dagiti nailistada a drug-related cases a nakairamanan dagiti agtutubo a dumanon laeng iti 9 idi 2017 manipud iti 32 idi 2016.
