BAGUIO CITY–Pimmusay ti maysa nga estudyante kalpasan a dinungpar daytoy ti saan pay a nabigbig a lugan sadiay 7, Bakras, Bulanao, Tabuk City, Kalinga.
Nabigbig daytoy a ni Jehzer Vann Pugongan, 16-anyos, estudyante ken residente ti Magsaysay, Tabuk City, Kalinga.
Naduktalan iti imbestigasyon a nadungpar ti biktima babaen iti saan a nabigbig a lugan.
Sigun iti nobya ti biktima, nakadanun ti nobyona iti sangwanan ti pagtaenganda idi nakangngeg daytoy iti napigsa nga uni ngem saanna nga inkankano.
Nadiskobre met ti maysa a driver ti bangkay ti biktima a nakadasay iti sentro ti kalsada idi nasilawan daytoy ti imanmanehona a trak.
Sigun iti Kalinga Crime Laboratory Office, dagus a pimmusay ti biktima.
Manarimaan met ti agtultuloy nga imbestigasyon ti pulisya tapnu maamuan ti pakabigbigan ti lugan a nangdungpar iti biktima.
