BAGUIO CITY–Nakemmeg ti uppat a drug personalities iti anti-illegal drug operation dagiti pulis sadiay Buguias ken Mankayan,Benguet.
Umuna a nakemmeg da Wilber Bomowey, 32 anyos, resident ti Bangao, Buguias, Benguet ken ni Roland Balinang, 29 anyos, residente ti Nakiangan, Abatan,Buguias, Benguet.
Natiliwan dagitoy nga agpa-pot session iti uneg ti maysa a pasdek sadiay Abatan, Buguias, Benguet.
Naala manipod kadagiti dua a suspek ti dua a lighter, lima a five transparent plastic sachet naglaon iti mapapati a shabu ken dadduma pay a drug paraphernalia.
Nakemmeg met iti buy bust operation sadiay Lutheran, Abatan, Buguias, Benguet ti drug pusher a ni Dentor Cayat, 23 anyos ken resident ti Magmagaling, Buyacaoan, Buguias, Benguet.
Nakumpiskar manipod kenkuana ti bust money nga aggatad iti Php1,000.00 ken maysa a nangisit a leather purse naglaon iti maatap a shabu nga aggatas iti nasurok P70,000.
Kabayatanna, nakemmeg met iti nagsina a buy operation ti maysa a mannalon sadiay Ambabag, Guinaoang, Mankayan, Benguet.
Nabigbig daytoy a ni Edrian Labisen, 24 anyos.
Naala manipod kenkuana ti maysa a transparent plastic sachet a naglaon iti maatap a shabu ken ti buy bust money a Php4,000.00.
