BAGUIO CITY – Dumanon iti pakabuklan a 423 ti agdama a bilang dagiti healthcare workers (HCWs) a nakaptan iti COVID-19 ditoy Baguio City.
Manipud iti nasao a bilang, 59.34% a buklen ti 251 dagiti asymptomatic nga irepresentarna ti kagedwa a bilang dagiti narekord a kaso.
Kabayatana, 172 wenno 40.66% dagiti nakapasar iti makunkuna a mild conditions.
Maibasar pay iti report, nailista idi Marso 3 ti kangatoan a 13 a bilang dagiti nagpositibo nga healthcare workers iti uneg ti maysa nga aldaw.
Nailista pay ti kangatuan a bilang dagiti asymptomatic ken mild cases idi napalabas a bulan a buklen 118 a kaso wenno katukad ti 27.90% bayat a simmaruno a kangatuan a nakailistaan ti infections idi Nobyembre 2020 babaeb iti 16.78% a nailista a kaso
Naamuan a ti average wenno kadawyan a bilang dagiti asymptomatic health workers a mailislista tunggal bulan ket 17.93% a buklen ti 18 nga indibidual bayat a 12.29% wenno 12 nga kaso ti mild cases
Iti pakabuklan, 30.21 wenno 30 nga health workers ti agpospositibo iti virus tunggal bulan.
(report from PIA-Baguio)
