BAGUIO CITY – Natiliw ti dua a high value drug personalities iti buy-bust operation nga insayangkat ti nagtipon a pwersa ti pulisya ken PDEA sadiay Kadmangan, Poblacion, Tuba, Benguet idi rabii kalman.
Nabigbig dagitoy a da Alma Lazarte Devilles, 45-anyos ken Teofilo Bautista Cariรฑo alyasLoreto, 50-anyos, agpada a nakalista a High Value Individual.
Nakumpiskar kenni Devilles ti dua a pakete ti mapapati a shabu nga agdagsen ti mapattapatta a 4.87 grams nga aggatad ti nasurok P33,000.
Nakumpiskar met kenni Cariรฑo ti tallo a pakete ti mapapati a shabu nga agdagsen ti mapattapatta a 3.87 grams nga aggatad ti nasurok P26,000.
Narekober manipud kenni Devilles ti naaramat a buy-bust money ken nakumpiskar pay ti nagduduma a drug paraphernalia.
Iti agdama, sumangsangon dagiti dua iti kaso a panaglabsing iti Comprehensive Dangerous Drugs Act of 2002.
