BAGUIO CITY – Maiparpariten ti panagruar iti pagtaengan dagiti amin nga agtutubo nga agtawen ti 17 nga agpababa a saan a nabakunaan kontra iti COVID-19 ditoy siudad ti Baguio.
Nakalanad daytoy iti Executive Order a pinirmaan ken impaulog ni Mayor Benjamin Magalong.
Naipaulog ti pammilin kas proactive response ti Baguio LGU tapnu masalwadan ti vulnerable age group manipud iti nangato a positivity rate ken bilang ti average cases iti uneg ti maysa nga aldaw ditoy siudad.
Nupay kasta, mabalin latta a makaruar iti pagtaengan dagiti menor de edad no napateg ti gagarada ken kasapulan ti pisikal a presensiada kas iti medical reasons ken no dumar-ayda iti recreational/wellness activities kadagiti laeng outdoor spaces.
Maibasar iti rekord ti City Health Services Office, 246 manipud iti 4,607 nga active cases ti Baguio ket agtawen ti 11 nga agpababa.
