BAGUIO CITY – Maisaksakad ita iti Baguio City Council ti implementasyon ti Clean-As-You-Go wenno CLAYGO policy kadagiti establishmento nga agiserserbi ti taraon.
Sigun kenni Councilor Elmer Datuin, awtor ti nasao a gakat, wagas daytoy tapno maliklikan ti panag-iinakar ti sakit.
Nu maaprobaran ti CLAYGO policy ket maikalikagum kadagiti amin a fast food chains, cafeterias, eateries, bakeries, coffee shops, canteens, ken kapadana nga establishmento nga agaramidda ti wagas tapno agtungpal dagiti kustomer.
Makidkiddaw pay kadagiti restaurant a mangimuntar da kadagiti umno a pagbasuraan iti establishemento dagitoy.
Mamulta dagiti establishemento nga aglabsing iti nasao a gakat nu sadino agbayad da iti P500 para iti first offense; P1,000 iti second offense; ken P2,000 iti third offense ken iti sumarsaruno pay a panaglabsing.
Sigun kenni councilor Datuin, ti Baguio City ket mabigbigbig kas character city isut gapuna a rumbeng masuroan iti positive values dagiti umili.
