BAGUIO CITY – Naireklamo iti kaso nga estafa ti maysa a lalaki kalpasan nga inallilawna ti manager ti maysa a drive-in hotel sadiay Bakakeng Central, Baguio City.
Sigun iti biktima, nagpabigbig ti suspek iti nagan a Morris James Hawaey, 40-anyos, French national ken residente ti Parisas Compound, Baguio City.
Maibasar iti imbestigasyon, nag-check-in ni Hawaey, iti maysa a hotel, ken nag-book ti sangapulo ket dua nga oras.
Nupay kasta, idi nadanon ti naituding nga oras, nagkiddaw manen ti suspek ti kanayonan a sangapulo ket dua nga oras.
Kalpasan laeng ti maysa nga oras, ditoyen nga inallilaw ti suspek ti manager ti hotel agingga a nagdardaras a naglugan ti taxi.
Dumanon iti P10-K ti saan a binayadan ti suspek.
Nagreklamo metten ti manager iti city Prosecutor’s Office para iti panakaipila ti kaskenan a kaso kontra iti suspek.
