BAGUIO CITY – Im-imbestigaran ita dagiti otoridad ti pakabigbigan dagiti suspek a nangserrek iti maysa a cellphone shop idiay Session Road, Baguio City itay parbangon.
Nagduduma a klase ken nginginaen a cellphone ti tinakaw dagiti suspek.
Iti interview ti Bombo Radyo, kinuna ni PMaj. Hariet Bulcio, Information Officer ti Baguio City Police Office, tallo agingga uppat nga indibidual ti makitkitada a suspek kas maibasar iti naala ti CCTV footage
Dinakamatna a dua nga indibidual ti nakita a nangserrek iti establishmento bayat a ti driver ti naglugananda ket saan a bimmaba.
Kasaruno iti daytoy, binalakadan ni PMaj. Bulcio dagiti business owner a mangipasdekda ti CCTV ken alarm system iti establishemento dagitoy.
Umap-apela met daytoy iti publiko nangruna dagiti nakakita iti insidente tapno dagus a makikoordinarda iti pulisya para iti napartak a pannakatiliw dagiti suspek.
This is a developing story…
