--Ads--
Rinugian dagiti Pilipino a muslim idi laeng kalman ti umuna a nasantuan a bulan ti Ramadan babaen ti kararag.
Nangkararag dagiti Muslim ken nag-fasting iti nagduduma a paset ti Pilipinas pakairamanan ti Isabela, Ilocos Norte, Iloilo ken Davao City.
Ti Ramadan ket ti kasasantuan a bulan ti Islamic calendar, bayat a dagiti Muslim ket agayuno manipud parbangon agingga iti panaglinnek ti init, ken mangipaayda ti kararag a maitunos kadagiti sursuro ti Islam.
Iti statement, kinuna ni President Ferdinand “Bongbong” Marcos Jr. a ti Holy Month ti Ramadan ket panawen ti personal reflection ken panagpabaro ti commitment iti pammati para kadagiti Muslim.
Kabayatanna, kiddaw ni Vice President Sara Duterte ti panangkararag para iti kappia ken pammakawan.
