Nagyaman ti Ukraine iti Pilipinas gapu iti panangsuportana iti resolusion ti United Nations (UN) a mangaw-awag ti kappia ken pannakapasardeng ti gubat ti Russia iti Ukraine.
Maysa ti Pilipinas kadagiti siam a pulo a pagilian a nangsuporta iti resolusion idi Pebrero 24, maikatlo nga anibersario ti panangrugi ti panangraut ti Russia.
Sigun kenni Oleksandr Lysak, First Secretary, Chargé d’ Affaires ti of Ukraine in the Philippines, naragsak daytoy a pabor ti Pilipinas iti resolusion dagiti Ukrainian.
Maysa met kadagiti pagilian a nagbotos kontra iti resolusion ket ti Estados Unidos, a mangipasimudaag iti panagbaliw ti posision ti Estados Unidos iti sidong ni US President Donald Trump.
Ti panagbotos ket kasaruno ti panagkita ni Trump ken ni Ukrainian President Volodymyr Zelenskiy idiay White House itay nabiit, nu sadinno kinuna ni Trump ken Vice President JD Vance kenni Zelenskiy nga “ungrateful” daytoy iti suporta a naawatna.
Kinuna ni Chester Cabalza, maysa nga eksperto iti foreign policy ken defense security, a balbalansien ni Trump ti relasionna kadagiti dadduma a dadakkel ken nabileg a pagilian a kas iti China ken Russia.
Inyebkas ni Cabalza ti pannakaseknanna iti posibilidad a mabalin a tratuen ni Trump ti Pilipinas a kas iti Ukraine.
Iti agdama, awan pay ti komento ni Foreign Affairs Secretary Enrique Manalo seknan iti nasao a banag.
